యాక్షన్ ఎపిసోడ్ ని రఫ్ఫాడిస్తున్న మెగా హీరో

చేసిన మూడు సినిమాల్లో రెండు హిట్స్ అందుకున్న మెగా ఫ్యామిలీ యంగ్ హీరో సాయిధరమ్ తేజ్ నుంచి వస్తున్న నాల్గవ సినిమా ‘సుప్రీమ్’. మొదటి సినిమా ‘పటాస్’తోనే బ్లాక్ బస్టర్ అందుకున్న అనిల్ రావిపూడి డైరెక్ట్ చేస్తున్న ఈ సినిమా ఇప్పటికే 80% పైనే షూటింగ్ ని పూర్తి చేసుకుంది. ఫస్ట్ టీజర్ తో ఆకట్టుకున్న ఈ సినిమా సెట్స్ పై ఉండాగానే అభిషేక్ పిక్చర్స్ వారు 26 కోట్లకి ఈ సినిమా వరల్డ్ వైడ్ రైట్స్ ని కొనుక్కొని ఈ సినిమాకి ఉన్న క్రేజ్ ని మరింత పెంచేశారు.

ప్రస్తుతం ఈ సినిమా షూటింగ్ హైదరాబాద్ లోని రామోజీ ఫిల్మ్ సిటీలో జరుగుతోంది. సీన్ ఏంటి అంటే.. నగర శివార్లలోని ఓ అనాధాశ్రమాన్ని రౌడీలు ఖాళీ చేస్యించే ప్రయత్నం చేస్తుండగా, మన హీరో వచ్చి ఆ విలన్స్ ని చితకబాదడం. ఈ బ్యాక్ డ్రాప్ లో వచ్చే యాక్షన్ ఎపిసోడ్ ని రామోజీ ఫిల్మ్ సిటీలోని పాలసముద్రం ఏరియాలో షూట్ చేస్తున్నారు. సాయి ధరమ్ తేజ్ – రవి కిషన్ లపై వచ్చే ఈ యాక్షన్ ఎపిసోడ్ ని ఫైట్ మాస్టర్ వెంకట్ కంపోజ్ చేస్తున్నాడు. సమ్మర్ మొదట్లో అనగా ఏప్రిల్ లో రిలీజ్ చేయడానికి ప్లాన్ చేస్తున్నారు. సాయిధరమ్ తేజ్ ఓ టాక్సీ డ్రైవర్ గా కనిపించనున్న ఈ సినిమాలో హీరోయిన్ రాశీ ఖన్నా ఓ పోలీస్ ఆఫీసర్ గా కనిపించనుంది. శృతి సోది కూడా ఓ ముఖ్యపాత్రలో, ఓ స్పెషల్ సాంగ్ లో కనిపించనుంది.